Weijle kitt die leef Weijhnachtszeit

worob die janz Welt sech freut.

Dat Land su weijt mah sehen kahn

hot et Wunterkleed at on.

Alles schläft, denn die Noacht

hot deh Welt zur Roh jebroacht.

Doh blinkt von weidem en helle Scheijn.

Wat mach dat für en Schimmer seijn.

Et weijst sech oos aus fären

seiit Ostern her deh Weijhnachts-Stären

Dat ewig Licht mot hellem Scheijn

soll in jedem Herz doch seijn.

Als kleenes Kund von Jott jesandt

soll oos brängen deh Fridden iwer et Land.

Heij un dieser Wundernoacht

hot hähn oos et Heijl jebroacht.

Jeborren um Stall un leijt op Strieh

Oh! Menschenskund vergäß dat nieh.

Mach ob dein Herz suh weijt et jeht

üb Nächstenlieb un Barmherzigkeijt.

Denn wenn dat Kund net Jeborren wär

un noch für oos am Kreuz jestorwen,

dahn wären mir doch all verloren.