Die Buere Kirmes
Peter Lücker, Leudersdorf
|
Die schönste Ziet für wohr |
es doch em janze Johr |
für jede Bueresmann |
wenn Kirmes kütt eran |
dat Hous wird neu jekälkt |
schwarz micht mer dat Jebälk |
met Ifer on met Fließ |
facht mer da Knies
|
Die Frau botzt met Jedolt |
Da Kaffepott wie Jold |
wie Silever blitz on blank |
da ene Köcheschrank |
dat Jriet krit von Katung |
e Kleet nom neue Fassung |
da Schnegger en al Hoos |
dam Schäng met Moos
|
Jätzt jit mer sech and Backen dran |
die Frau die mängt da Desch iesch an |
von Flade, Blatz on Appeltat |
jit flock en janze Berch jemat |
da Mann da kreit die Jeß biem Stetz |
on sticht se duet mem Schärpe Metz |
denn op der Buere Kirmes |
es da Fraß am Allerbeß
|
Froh morjens Bomm, bomm, bomm |
em Dorf schleet mer de Tromm |
die Jongjesellerei |
rhaschiert och stolz herbei |
om Desch da Kaffee steht |
on alles iferesch käut |
da Schäng hat nix jespart |
holt sech en Taat
|
Zur Kirch om höchste Stad |
micht alles sech parat |
janz jeftig dankt dat Sting |
wat es dar Jriet esu fing |
am Platz erenn ze jon |
blieft alles drusse ston |
on jedes Mädche wiet |
hie schiekaniert
|
Op dem Desch da Brode heeß |
die Frau die sät meng arm jot Jeeß |
Da Mann da sot Kenner aßt mer jo |
mer hann et jo, et eß all do |
da Schäng micht loss en Botzeknopp |
schäppt sech en neue Teller opp |
zovill oß do da Mesterknäch |
on söt et wiert mer schläch
|
Biem Wirt '-Zum goldene Kalb' |
trinkt sich da Üem en Halb |
met AB-Reuter stopp |
ha senge Piefekopp |
die Kaat räk mir eröm |
jespielt wiert Sieweschröm |
»Drie halt ech«, röft ha frech, |
klopt op da Dech
|
Die siwe Bröder jetz |
zom Saal sen hinjedötzt |
et juchtze öm die Welt |
die Tröt die Klarinett |
die Fiolin die kriesch |
och ohne dat Jedüsch |
die Deckle on die Tromm |
da Bass micht schromm |
Jetzt kütt zom Saal eren jefäch |
da jeruesse stärke Mesterknäch |
em Arm hat hän dat statze Jriet |
wat adech met dem Köpche drieht |
da Danz jet loss et schwankt dat Kün |
die Rock die flejen en die Hüh |
da Hannes danzt mem decke Blünn |
et waggelt dat Jebünn |
Jetz kütt da Nopesch Chress |
am Schohn hängt noch jet Mess |
da soch dat Jriet mem Knäch |
on dankt et jet och schläch
|
wie da Knäch mem Jriet |
em Walzer fing sich drieht |
do hat da Chriss janz flock |
dat Been jestreckt. |
Da Streech wor janz jemein |
se fehlen üwerenein |
jelich drop do knack |
da «Räch jrat wie en Sack |
on noch en Paar em Jalopp |
dat lacht sech owendrop |
on alles juchzt on krieht |
am mest et Jriet |
Die Fronde kome flock herbei |
dat wohr en äkelech Keilerei |
die Stöhl die flochen durch da Saal |
dat wohr dänne Buere janz ejal |
drie Löcher hat em Kopp da Knäch |
da Chriss vier Schramme em Jesiech |
die schönste Ziet em janze Johr |
die Kirmes es für wohr. |