Krumperegroawwe Helene Franzen, Steineberg
|
De Krumpere sejn jeroade |
unn de Sack stiehn voll unn deck. |
Eene discht hunna dämm annere |
dursch dat janze Steck. |
Die Kunna broaden sesch Krumpere unn hirrem Feua |
unn önn Flamm hoann se - unnjeheja! |
Unn se schären sesch unn holle |
de Krumpere uss de Kolle.
|
Die sejn su dufdesch unn su wejß unnewännesch |
unn su heeß |
se vabrännen sesch oann da Dinga |
de Maul unn och de Finga.
|
Da Dampf von dämm Feua oss su bloah unn kitt su noah |
ma seht kaum mieh de Leut doah drunn. |
Unn all all Furre sejn ruht vom Oawendglanz. |
Hiah, loah laut et unn de Russekranz! |
Die Kunna loofen, die moooßen runn.
|
Jott Dank, de Krumpere sejn jeroade! |
Nau loadden se de Sack boß owwenhin opp de Woahn. |
Önn stoarke Maan jehiert doazooh |
se zehewwe unn zetroahn. |
Unn jemäschlesch unn zefridde fehrt jede Woahn |
heem dän Jottessäje |
unn opp alle Wäje kitt Woahn oann Woahn. |
Se setze su mehd unn su zefridde owwendropp.
|
Ött oss att spät unn dejsda |
opp steeht att de Scheua- unn de Kelladier. |
Opp dämm Desch steeht att de Zopp |
unn de Kunna kunn uß dah Kerch jestürmt. |