Hee, schtie öp! Et ös vea Oua mörjens.

Ma welle mäe jöön, ea, de Sunn se warem scheint.

Höll dein Sääns möt. Ös se och jööt jeklööpt?

Et Schlöötafaaß möt dem Schleifsteen vajäaße ma och net.

Un döö de Kaap öön, daat ös jööt jäänt de Hetzt.

Et Schraaß öß noch janz fischt, et ös lischt se mäe.

Weile haale ma öös drönn, etjeet flott firre, eene Mödde nö dem annere.

Ma hönn et at baal. Esch mäe reed, döu kanns et Schraaß at usenanna spreede.

Watösdaat en Hetzt!

Komm, ma trinken en Schluck uß demm Beereschje.

Daan säätz ma öös en Streesch newa de Baach ön de Schcdde.

Höut dreit et öwwa jööt!

Ma hölle weile de Reache un wannen et Hei, dat die anna Seit och drei jett.

Himmel Dunnakneedel, wat die schell Mecke steache!

Et jet bestimmt noch e Jewitta.

Seiste, lö hönne kitt et at janz schwatz.

Weile öwwa flott dat Hei jehöust! Un maach die Höuste net se kleen!

Un daan maache ma öös heem, ea ma dursch naaß sein.

Jött sei Dank, et höt net vill jeräänt! Un weile scheint de Sun at wea. Da weare ma öm bäsde jeleich jöön un et Hei wea spreede. Mie wie zwöö Stunne braucht et net mi, daan ös et drei.

Nöu löößt öös seen, dat ma det Hei ön de Scheia kreen!

Spannt de Kee öön, ma hönn en halef Stunn se farre.

Et eescht mööß weile noch beijemaach jeen.

Maacht röesch deck Mödde von zwöö Seite, da kann esch flötta öplödde.

Lößt die Kee noch jet weede udda iddereje.

Jank döu öp de Wöön, die Velka solle kämme, daan döuat et net lang.

Nöu noch de Wissbööm öwwe dröp un möt dem Heibänna fastjedräät!

Föitjöö, et jeet heem.

Wönn ma ön da Scheia sein, kann et rääne wie et well!