Dä kleene Prinz schwätzt Bröcker Platt

Fabian Druckes, Dreis-Brück, Schüler der Leopold-von-Daun-Realschule

Dä kleene Prinz un dä Wechestella trofe sech un beschröste sech. "Wat mechst dau lo?", soot dä kleene Prinz. "Ech sortiere die Reesende no Dausenderpageter", soot dä Wechestella, "un schecke se möt dem Zuch ees no rächts un die anna kier no lönks." Un du donnert en funkelnde Schnellzuch am Wechestella sengem Häusje laast, dat et ziddert. "Die hann et awwer eilich", soot dä kleene Prinz, "waar wellen die hin?" "Dän, dä dä Zuch fiehrt, weeß dat doch selwer nät", soot dä Wechestella, als atwier ön flotte Zuch laast fuhr, awwer diss kier von der annera Seit. "Oh, sen die atwier zröck?" frocht dä kleene Prinz. "Dat sen net die selwe, dat wäßelt lauter." "Ma ös kees zefridde, do wo ma ös," soot dä Wechestella als noch ees an funkelnde Zuch laast kraacht. "Farre die denne hönnaher?" frocht dä klee-ne Prinz. "Die verfolleje jaarneust", soot dä Wechestella, "die schloofe do drön odda se jähne och, nur die Pänz deue her Nase jähnd de Scheiwe". "Nömme die Könna wösse, waar se hin wolle," soot dä kleene Prinz, "sei wenne her Zeit an en Popp ös Lumpe un wenn ma se denne fott hölt, fange se an zo knatsche" "Die hann et jood," soot de Wechestella.